BRT演练要切中关键 系猫系狗好快有个结论

摘要：BRT开通之后会点，好多街坊都讲过唔少睇法。而家终于等到演练，BRT系龙系凤、系猫系狗好快就会有个结论。

BRT开通之后会点，好多街坊都讲过唔少睇法。而家终于等到演练，BRT系龙系凤、系猫系狗好快就会有个结论。

因为系演练，出现咩结果我哋街坊都会平常心对待。毕竟唔建都建咗咯，当然就希望佢可以达到大家嘅心理期望。演练出咗问题其实都好，因为重有时间可以改正。可惜，交委至今都冇对演练嘅内容作出说明。如果演练只系为咗考验一下啲司机停站够唔够准确、啲屏蔽门工作正唔正常，我谂呢个演练就不如唔好搞！因为大家最关心嘅系，BRT开通之后到底快唔快、会唔会对周边嘅其他道路带嚟交通嘅压力。交委之前提出嘅线网规划、交通疏导等方案有冇解决办法等等，我认为都应该包含喺演练方案中。

BRT自开始修建，一直畀广大市民一个唔好嘅印象：就系有关部门唔听取民意、自把自为。而家要开始演练，街坊又有咁多建议或睇法，我谂交委呢个时候系唔系应该放下身段，邀请街坊参与演练方案嘅制定同实施。等演练可以切中重点，早啲发现多啲问题、早啲谂办法解决。千祈唔好等到开通咗但又系塞到死嘅时候，先指望市长出嚟支撑大局！